योगदान राष्ट्रको लागि संस्थालाई यहाँहरुले गर्नुभएको सहयोग बापत विभिन्न जनचेतनामूलक कार्यक्रम सञ्चालन गरिने छ । देशका ७५३ वटै स्थानीय तहमा पुगेर प्राथमिक उपचार सम्बन्धी जनचेतना जगाउने, एक घर, एक प्राथमिक उपचारक उत्पादन गर्ने लक्ष्य लिएको छ । विशेष गरेर प्राथमिक उपचार सम्बन्धी ज्ञानलाई देशब्यापी अभियानको रुपमा सक्रिय भएर नागरिक र समाजको सेवा गर्ने सोचका साथ अगाडि बढेको यस संस्थाले स्वास्थ्यसँग सम्बन्धित विषय वस्तुलाई समेटेर नगरपालिका तथा गाउँपालिका समिति गठन गरी समितिमार्फत हरेक नागरिक र सर्वसाधारण सम्म स्वास्थ्य सेवा पुर्याउने लक्ष्य लिएको छ । यसका लागि यहाँहरुको सहयोग आवश्यक छ ।
सहयोग बाट प्राथमिक उपचार भित्र समेटिने विषयहरु बेहोस हुने, छारे रोग, अंग भंग भएमा, घाँटीमा अड्केमा, करेण्ट लागेमा, सर्पको टोकाई, रक्तश्राव, आगोले पोलेमा, विष सेवन गरेमा, पानीमा डुबेमा, किराको टोकाई, दम, लु र गर्मी लागेमा, आघात भएमा, स्वश प्रश्वाश र रक्तसंचार प्रणाली, नाकबाट रगत आउने जस्ता घटनाहरुको प्राथमिक उपचारलाई प्राथमिकतामा राखि प्राकृतिक विपत्तिले निम्त्याउन सक्ने अवस्थाहरुमा पनि स्थानीय रुपमै समस्या समाधानको लागि स्वास्थ्यसँग सम्बन्धित, यस्ता कार्यक्रमबाट सर्वसाधारणको स्वास्थ्यमा सुधार गर्न मद्धत गर्नेछ । प्राथमिक उपचार सम्बन्धी तालिम दिई देशमा आईपर्ने दैवी प्रकोप, महामारी, दुर्घटना तथा आपतकालिन अवस्थाका लागि जनशक्तिको विकास गरि स्वतन्त्र स्वयंसेवक खडा गरेर परेको बेला समाजमा योगदान दिने युवाको निर्माण गर्नको लागि यो कार्यक्रमको महशुस गरिएको हो ।
