‘योगदान राष्ट्रको लागि’ गोकर्णेश्वर नगर समितिको आयोजनामा असोज १६ गते शुक्रबार टाइमलाइन स्कुलमा सञ्चालित प्राथमिक उपचार (First Aid) तालिम भव्य रूपमा सम्पन्न भएको छ ।
टाइमलाइन स्कुलका विद्यार्थी तथा शिक्षकहरूका लागि सञ्चालित प्राथमिक उपचार(First Aid) तालिम अन्तराष्ट्रिय प्रशिक्षक तथा केन्द्रीय अध्यक्ष श्री ओम उप्रेती ज्युले प्रशिक्षण दिनु भएको थियो । केन्द्रीय समिति उपाध्यक्ष श्री दिर्घ राज भट्टराई ज्यु , केन्द्रीय सदस्य तथा कार्यालय प्रमुख श्री केशव प्रसाद दंगाल ज्यु ,केन्द्रीय सदस्य श्री लक्ष्मी बराल ज्यु र गोकर्णेश्वर नगर कार्य समिति परिवारको विशेष उपस्थिति रहेको थियो ।
प्रशिक्षणमा आपत्कालीन अवस्थामा Immediate care (तत्काल उद्धार र उपचार) कसरी गर्ने भन्ने व्यावहारिक ज्ञान प्रदान गर्दै जीवन रक्षाका महत्त्वपूर्ण उपायहरूबारे जानकारी दिनुभएको थियो ।
